Addysgu ac addysg

Yn Ysgol Pensaernïaeth Sheffield rydw i wedi cynnal sesiynau gyda'r offeryn Carbon Mixer, a gweithdai ar ynni adnewyddadwy a meddalwedd ynni adnewyddadwy. Yng ngeiriau Dr Sofie Pelsmakers: Gavin is a natural educator ("Mae Gavin yn addysgwr wrth reddf").

Rydw i hefyd yn arholi graddau ymchwil. Rydw i wedi bod yn arholwr allanol ar gyfer doethuriaethau, MPhil, a graddau MSc drwy Ymchwil ac MRes yn Ysgol Pensaernïaeth Cymru ym Mhrifysgol Caerdydd, ym Mhrifysgol Abertawe (gan gynnwys ei Hacademi Deunyddiau a Gweithgynhyrchu), ym Mhrifysgol Caerlŷr ac ym Mhrifysgol Stellenbosch yn Ne Affrica.

Mae fy llyfrau wedi cyrraedd ystafelloedd dosbarth hefyd, o raglenni ieuenctid 4-H yn yr Unol Daleithiau i gyrsiau prifysgol.

Ac rydw i wedi bod yn fyfyriwr ers amser maith. Ochr yn ochr â fy noethuriaeth ym Mhrifysgol Caerdydd, mae fy astudiaethau wedi cynnwys MSc mewn Dulliau Ymchwil y Gwyddorau Cymdeithasol yng Nghaerdydd; MSc Advanced Environmental and Energy Studies yng Nghanolfan y Dechnoleg Amgen ger Machynlleth; MSc mewn Technoleg Systemau Ynni Adnewyddadwy; MBA mewn Addysg; a graddau israddedig mewn peirianneg a thechnoleg. Mae'r rhestr lawn ar fy CV (yn Saesneg).

Addysgu: y dudalen Saesneg
Curriculum vitae (Saesneg)